放空~~

22/7

返番紅磡做的第2日

一做番文職野就發生吊魚情況 , 呢d情況超難頂 ,
個位對住門口 , 有咩人一入來一定會望到我先 ,
吊魚動作一來 , 對眼皮好似中左千斤墜甘 , 人地望到我的樣應該比我幻想的更為"驚"人.
解決方法只得一個 , 行去廁所又行返番來 .

今日仲要OT兩個鐘 , 好彩搵左佢陪我SMS
宜家我用緊部K750i上世紀天殘機 ,
甩皮甩骨的外殼唔覺唔覺都陪左我2 3個月 , 因為未揀到心水機 ,
SE機不嬲sd SMS龜速係人都知 , 但今日我竟然忍到.

哈哈 

last Day in East Kowloon Logistics

20 / 7 /2009

呢度係東方龍分局,物流搬左上呢度4樓一個唔夠5百尺地方,
無錯,係物流...

以我讀左一年的物流認知,物流是講求流程 倉儲 系統 以及Just in time的生產系統,
你鬼地方怎麼會成為物流的地點,
好明顯郵政請這班合約經理是沒有讀過物流的...

6月4號第一日來呢度就俾呢個環境嚇親,物流?點做呀,轉身o既地方都無啦!
卒之係充滿問號及怨言的情況下,係呢度撈左過半個時間...在這認識了幾個年青的未來郵政棟樑.

係呢度過度左過半月時間,老實說是有點不捨得,
當初的確很不願意去適應一個新的環境,
頭一星期就放縱,不用心學,盡量不記流程,
可是最後得出一個道理,被強姦反抗不了就學會享受. . .
最後我在不用心去記去學的情況下,所有流程都因為每天重覆又重覆的做而記下了. . .
真是一個悲劇. . .
人生往往就是這樣,哈哈. . .

今日有$仔鍾亮生日去左吃飯,
條友仔都幾好運,巧合地我唔駛OT,又係觀塘番,收工去到"裕民坊"一齊坐車去沙田.

叫左路人甲幫手影的,又係一個唔半拍對焦就拍下來的高手. . . 搞到暴晒光.
肥妹仲叫佢唔好走住,幾惡. . .

累死了

3/7/2009

現在時間是香港零晨0234

我剛剛收工沖完涼...
我不是酒樓剛剛做完喜宴的樓面,亦不是電台深宵節目主持人,
只是個普遍文職人員,我的正更是1000-1800
今晚又被強逼OT,我可以不要嗎!

這星期斷斷續續OT , 1800之後不是"O"到9點收工就12點半收工,每天都不知道收幾點.
我那些OT是不計錢的,只會計番所謂Conpensation俾你,即係time off
儲夠7小時就可以放一天假期,多麼無良.

打工就只有被人主宰,與其反抗不如享受,這些話都不知道是出自誰人之口.

睡吧,明天又要8點鐘起床,現在時間是2點50分了~~~~~

準備出發泰國2

11/6/2009

都係繼續番觀塘,一下車落狗屎,照頭淋焗行!

行到前面要過3個燈位,全紅燈,哈哈,喪淋啦有咩計,
就係呢句野係心入面講完,有個女人係身邊出現:你拎去用啦,唔好淋病呀!

今時今日仲有好人
我話:我係對面番工炸,你順路嗎,我過完去俾番你!
佢話:呢d唔值錢,你拎去啦!

最後他是跟我走過3個燈位,俾番把遮佢!多謝你喔!

這星期家華來了,今晚請佢吃飯,佢家姐同個女都一齊,
個3歲的女真係不得了,大人都唔夠佢講,轉數快到呀!成日扮鬼扮馬!

聽日要帶家華出去玩玩,但是我4點要出發去機場,聽晚可能收夜細軟我都未汁,點搞!
不過愈諗愈興奮倒是真的,什麼都唔累了!

準備出發泰國

11/6//2009

級灌級~

好興奮呀,等左成個月,兩日後我地三條友終於可以向泰國出發.

這個亦是我上年訂下的目標之一,
第一個目標考車牌我已經達到了,現在我將會達成第二個了,興奮興奮!

上學時老師經常向我們說要對自己許下承諾訂下確定目標,
這樣做人才會成功.
這方法的確有用,而且當你達到了會感覺到莫名的興奮.